BERBA-LAGUNA
Berba laguna da
edo izan beharko litzateke Zahar-Berri proiektuaren oinarria, funtsa!
Zahar berriren helburu nagusia euskara ikasten dabiltzan pertsonei ikasitakoa
eguneroko bizitzan txertatzeko guneak eskaintzea da. Berba lagunak euskaldun
berriak, euskara ikasten dabiltzanak eta euskaldun zaharrak elkartzen
ditu, astean ordubetez euskaraz hitz egin dezaten.
Nola egiten
da hau?
Euskaldun berriak
Arrasateko Udal Euskaltegian, AEKn edo AEDko bulegora etorriz edo telefonoz
deituz; euskaldun zaharrek, astean ordubetez euskara ikasten dabiltzanei
lagundu eta euskarari bultzada eman nahi diotenek ere berdin egiten
dute, eta guk “Celestina “ lanak egiten ditugu, lehen bileratxo
batean euskaldun zahar bat eta bi edo hiru euskaldun berri elkartu eta
hurrengo hitzorduak partaideen nahi eta beharren arabera egiten dituzte.
Zertarako?
Jende asko dago
Arrasateko euskaltegietan euskara ikasten; hizkuntza ikasten. Tamalez
jakintzatik erabiltzera dagoen jauzia galanta da. Ikasle askok ezin
dute edo zailtasunak dituzte beraien eguneroko bizitzan euskara erabiltzeko,
inguru euskaldunaren falta dutelako, beldurrak, lotsak,... Zoritxarrez,
gure egungo gizartean ez dute ikasitakoa lasai erabiltzeko gunerik aurkitzen.
Berba lagunaren
helburua gune hauek sortzea da, euskara erabiltzeko, ikasitakoa praktikatzeko,
inguru euskaldunak sortzeko!
